India-i alima nem tanelalibalirolen sayu: Modi

Mumbai, January 10 (Agencies) : India-i alima nem lokti nung telemsa masü saka tanelalibaliroren dang agütsü, ta Deobarnü Prime Minister Narendra Modi-i ashi.
Temeshi nisungtem aser tanga shisashirtemi teti ‘rashtra dharma’ (linük tenzükba) tangatetba sülen anidak, ta Modi-i ashi.
Nüngtugu Jain monk Acharya Ratnasundersuriji Maharaj indang kaket 300 buba sayatsüba sentong nung Modi-i iba onük jembi.
Taoba Tir APJ Abdul Kalam-i India’er tanelalibaliroren senmang nung tamang ayu aser iba ya ajanga tanü meimchirtemi alima indang khurettem koktettsü ta paisa ashi, ta Modi-i metetdaktsü.
“Alimai India junga mangateter. India-i kodanga kin o kin telemsa yur inyaktsü tangatetba sülen manidak. India-i alima nem lokti nung telemsa indang masü saka tanelalibaliroren dang agütsü” ta paisa shisem.
Khen khen lokti ajanga khuret bener arutsü akok saka tanelalibaliroren ajanga khurettem atema telatetba agütsür, ta prime minister-isa ashi.