India-i Commonwealth TT Championships gold agizükogo

Surat, December 18 (Agencies): India’er tebur table tennis asayar teloki 20 buba Avadh Commonwealth Table Tennis Championships team champions küma gold medal agizükogo.
India’er tebur teloki points 3-1 agi England telok final asaya nung tsükdaktsüba sülen iba takokba ya angu.
Taoba mapang, 2004 nung Sharath Kamal-i aniba teloki gold agizükba sülenbo India teloki küm 20 tsüngda nung tan mezüngbuba team gold agizüker lir.
Ajisüaka, Singapore tsürtemi points 3-1 ngua India final asaya nung tsükdaktsüba yong India tsürtemi team shilem nung tanabuba jenjang ngua silver medal ang agizüka liasü.
Tesüiba mapang, 1975, 1983 aser 1991 nung agizükba densema, India tsürtemi tan agi team silver medal 4 buba agizüker lir.