India-i football asayar mongin ka nungdaker: Ferdinand

Gurgaon, February 09 (Agencies): India linüki football asayar mongin ka nungdakba olen ka Manchester United asayar mongin, Rio Ferdinand-i tanü, Mongolbar nü metetdaktsüogo.
“Didier Drogbai Ivory Coast aser Cristiano Ronaldo-i Portugal jenjang ajungkettsüba ama, India nunga football jenjang temaba jenjang nung ajungkettsütsü asoshi football asayar mongin ka nungdaker,” ta Ferdinand-i metetdaktsü.
Alima ajunga nung lanurtem rong nung football asayatsüren ajungmesotsü mapatong den sentaktepba, Britain nung tentetba BT Sport teloki Delhi nung football asayatsü jangrar lanurtem asoshi football asayatsü tasa sayutsü sentong ka tanü agia liasü.
BT Sport ambassadors ama, Britain nunger football asayar mongin, Ferdinand o Robbei Savage nati Delhi yimtiba nung ayongba sentong nung shilem agidang, Ferdinand-i tanü iba olenji metetdaktsü.
Ferdinand o Savage nati Dehli NCR nung tentetba Arsenal Soccer Schools centre semdanga lanurtem den ajurutepa football asayatsü tasa sayuba sülen IOT-i ketdang asüba Arsenal Soccer Schools, Pathways School Gurgaon aser Dalhousie Public School, Badhani telok na tsüngda friendly football asaya ka asaya aser iba asayaji goal 3-3 draw nung tembang.
“India nung lanur asayartem aser coach-tem den ajurutepa jangratema mapang süidaktsüogo. Lanurtemi anogoshia terenemshiba agia football asayaba ajanga nenoki kenübo India national team nung züngsemtsü maongka angutsü,” ta Ferdinand-i tesülen metetdaktsü.