India-i goal 3-1 agi N Zealand akok

New Delhi, October 07 (Agencies): India’er hockey teloki goal 3-1 agi New Zealand madak tanü Bodbar nü takok ngua yashi tamakok anguba meyiptsütsü maongka nguogo.
Tanü asaya tenzüker minute 13 buba nung Ramandeep Singh-i goal 1 agüja India temaba jenjang nung ajungkettsü.
Tesülen, asaya tenzüker minute 45 buba nung Kane Russell-i par N Zealand asoshi goal 1 agüja telok anaprongla kasa jenjang kümdaktsü.
Ajisüaka, Manpreet Singh-i minute 52 buba aser Nikin Thimmaiah-i tatembangbuba minute nung goal ka ka agütsüba yong par India-i tanü goal 3-1 agi takok angu.
India aser N Zealand nati par tasembuba Test asaya Christchurch nung tan October 9 nü asayatsü.