India-i GSAT-9 communication satellite May 5 nü amentsü

Chennai, April 28 (Agencies) : India-i rocket tesashi, Geosynchronous Satellite Launch Vehicle (GSLV-F09) amshia communication satellite, GSAT-9, May 5, 2017 nü anünglak nung amentsü, ta Hokolbarnü ISRO-i ashi.
Indian Space Research Organisation (ISRO)-i ashiba agi, GSAT-9 communication satellite ya Ku-band inyakyim ajanga South Asia linüktem den tongteprateptettsü nükjidong nung amener.
“GSAT-9 ya ISRO indang standard I-2K bus nung renema yua lir. Standard I-2K bus ajanga seret 2,230 ajungkettsütettsü. Iba satellite ya küm 12 dak tema meraksai alitsü,” ta ISRO sangdong ka ajanga ashi.
Satish Dhawan Space Centre, Sriharikota, Andhra Pradesh nungi GSLV rocket ajanga iba satellite khakettsütsü, ta parnokisa ashi.