India-i International Border nung jara yanglur ta Pakistan-i aitsübaji tiyazü : BSF

Jammu, September 29 (Agencies) : Jammu & Kashmir nung aliba International Border nung India-i jara yanglur ta Pakistan-i ashibaji tiyazü lir, ta Mongulbarnü BSF IG Rakesh Sharma-i ashi.

International Border tesem nung jara yanglutsübaji tamakoktsü kechiyong idakji tenem-tekong aika lir, ta Rakesh Sharma-isa metetdaktsü.

“Iba otsü ya Pakistan-i puratetba lir. Jammu & Kashmir nung aliba arrtsü nung jara kecha meyanglur” ta paisa shisem.

“Pakistan-i nisungtem ratadaktsütsü atema iba otsü ya puratetba lir” ta Sharma-isa metetdaktsü.

Taoba hopta tu Pakistan-i UN Security Council nung India-i International Border arrtsü nung jara yanglur ta ken o benok.

UN nung Pakistan Ambassador, Maleeha Lodhi-i Security Council tir, Russian Ambassador Vitaly Churkin dang shidi ka ajanga India-i Jammu & Kashmir arrtsü nung metre 10 talang jara yanglutsü meranger ta ashi.