India-i Junior Asian championship medal 16 agizük

New Delhi, July 13 (Agencies): India’er melangtepertemi gold medal 3 densema ajak agi medal 16 tashi agizüka tan July ita 9 nungi 12 nü tashi Myanmar kübok Naypyitaw yimti nung ayongba Junior Asian Freestyle, Greeo-Roman & Female Wrestling championship nung shilem agiogo.

India teloki tan asayamong nung kanga junga shilem agiba ajanga parnoki Champion Trophy points 68 tashi ajangzükogo.

Greeco-Roman shilem nung toktepertemia gold medal 2 tashi agizüka tanabuba jenjang ngua ajak agi points 59 tashi angu.

Ravi Kumar-i temang touzük seret 55 taret shilem nung gold ka agizükba densema tebur Freestyle shilem nunga India nunger melangtepertemi medal 8 tashi agizüka liasü.

Tetsür melangtepertemia silver 1 aser bronze 3 densema ajak agi medal 4 tashi agizüka tan asayamong nung shilem agiba osang jangjaogo.

“India’er melangtepertemi takok tulu ngua Junior Wrestling championship nung shilem agiba atema pelaba lemsateper. India’er asayartemi tarutsü mapang nunga takok tulu angutsü ta tamang akar,” ta Wrestling Federation of India (WFI) nung Tir, Brij Bhushan Sharan Singh-i metetdaktsü.