India-i kiralongrar pusemer:Pakistan

Islamabad, May 15 (Agencies) : India nungeri kiralongrar tem pusemer, balakata Balochistan province nung parnoki item lendong agütsür nisungtem nungita pu asemer, ta Deobarnü osangbenertemi ashi.
Item o ya Defence Minister Khawaja Asif-i Dunya News den jembiba mapang ashi, ajisüaka pai talila rasaa oa mejembi.
Kasa mapa nung pai 2008 Mumbai amakba nung Islamabad densema lir ta tesüiba mapang Pakistan-US ambassador Husain Haqqani-i ashiba aitsüogo.
Haqqani-i item o ya, memunui sayatsü aliba, pai züluba kaket “India vs Pakistan: Why Can’t We Just Be friends?” nung zülua lir.