India-i kiralongrar telok, ISIS indang website 2 shibangtsüogo

New Delhi, October 14 (Agencies): Intelligence Bureau aser police agency tem temepishiba nung ajemdaker Indian cybersecurity tentet, CERT-In-i Islamic State of Iraq and Syria (ISIS) indang websites ana shibangtsüogo.

Item websites aser Facebook Page ana ajanga kiralongrar telok ISIS indang olulu proka liasü. Item websites aser Facebook page temji Jammu & Kashmir nung mejangjaba nisung kari ketdangsüa liasü.

ISIS indang URL ana nungji bomb koma yanglutsü iba indang tesayuba den külemi ISIS telok training sentongtem indang osang tejangja liasü.

Intelligence Buruau, Ministry of Home Affairs ketdangsertem, investigative agency aser CERT-In ketdangsertemi tentetba committee tanü ghonda ka shi senden mena liasü, aser iba senden nung websites aser Facebook pages ajanga linük amokmerenba onüktem nung o lemtepa liasü.

Osang ajanga ashiba agi, taküm sorkari kiralongraba dak sentakba websites aser social networking sites 55-60 shi shibangtsüogo.