India-i LGBT mongin shimba nung shilem magi

New Delhi, July 02 (Agencies) : UN Human Rights Council, Geneva nung Lesbian, Gay, Bisexual, Transgender (LGBT) atema independent mongin shimba nung shilem magi, ta Brihostibarnü Ministry of External Affairs ajanga metetdaktsü.
“India nung LGBT tebilemtsü dak sentakba nung tang Supreme Court nungi telemtetba ka atadar,” ta MEA otongdar Vikas Swarup-i ashi.
Züngsem 47 aliba Human Rights Council nung yashi, Brihostibarnü tetsür o tetsür na, tebur o tebur na aser tetsür o tebur naprongden medemertem anema inyakertem mittsü atema  independent mongin ka küm asem atema shimba mapang züngsem trok maru aser tarurtemi vote agütsütepba mapang 23-18 angu.