India-i linük asem den cyber security tenangzükba agi

New Delhi, January 27 (Agencies) : Indian Computer Emergency Response Team (CERT-In)-i Malaysia, Singapore aser Japan linüktem den tenangzüktep agiogo, ta Bodbarnü sorkar osang ka ajanga metetdaktsü.
India aser linük asem tsüngda cyber security akangshitsü atema iba tenangzüktep agiogo aser iba ajanga linüktem den cyber security dak sendakba maparen inyaktsü, ta cabinet sangdong ka nung metetdaktsü.
Yaküm Prime Minister Narendra Modi-i Malaysia semdangdang CERT-In aser Malaysia tsüngda November 23, 2015 nü tenangzüktep agi.
Ano, Novemer 24, 2015 nü CERT-In aser Singapore Computer Emergency Response Team, Cyber Security Agency of Singapore tsüngda tenangzüktep agi.
December 7 nü CERT-In aser Japan Computer Emergency Response Team Coordination Center tsüngda iba tenangzüktep agi aser iba sülen December 22, 2015 nü telok ana tsüngda ken o ajak hai haura katepa tembang.