India-i N Zealand den Hockey Test Series asayatsü

New Delhi, September 22 (Agencies): India’er hockey asayar teloki 2016 Rio Olympic Games atema terenemshiba agia New Zealand den asaya 6 densemba hockey Test series asayatsü renemogo.
N Zealand kübok Auckland, Nelson aser Christchurch nunger nung iba Test series-ji taruba October ita 2-11 nü tashi asayatsü renema lir.
“India-i mezüngbuba asaya 2 N Zealand A team den asayatsü aser tanüngba asaya 4-ji N Zealand tebur senior team den asayatsü,” ta Hockey India Tir, Narinder Batra-i tanü metetdaktsü.
Taküm 2016 küm tatembanglen Raipur nung asayatsü ayongba FIH Hockey World League Final aser Rio Olympics na asoshi terenemshiba agia India-i tan sentong ya renemer lir.
N Zealand-ia tarutsü mapang asayatsü ayongba Oceania Cup asoshi terenemshiba agia iba series ya asayatsü renemer lir.
Oceania Cup nung takok ngura, N Zealand telokia Rio Olympics nung shilem agitsü jenjang angutsü.

You must be logged in to post a comment Login