India-i Nigeria nunger maitdaktsütsüla: Ravi Naik

Panaji, June 7 (Agencies) : Tesüiba mapang Goa Chief Minister Ravi Naik-i, “India sorkari Nigeria nunger linüki maitdaktsütsü nokdangtsüla,” ta ashi. Pai India nung Nigeria nunger raliwalirtem menüngdak ta shisem.
Tanak nisungtem luja ajaba tenüng “negroes” ta tetshia congress lenir Ravi Naik-i, Nigeria nungeri India nung Goa aser ano tanga yimtitem nung tebilemtsü kanga adokdaktsür, ta osangbenertem dang ashi.
“Centre sorkari Nigeria nunger maitdaktsüi nokdangtsüla,” ta Naik-i ashi.
Naik-i, Bengaluru nung Aam Aami Party lenirtema Nigeria nunger den mangatettep adoka raratepa liasü, ta shisem.
“Panoki tesem ajak nung tebilemtsü adokdaktsür…Nigeria nunger raliwalirtem linük nung shiangia maginer,” ta Naik-i Goa nung Nigeria nungeri inyakba ajak mita bushisüngdangtsü takhangba ka agütsüba mapang ashi.