India-i Pak temepishiba magizük

New Delhi, August 17 (Agencies): Pakistan-i Kashmir onük nung Foreign Secretary-level ken o jembitsü asüdanga liasü ajisüaka India-i magizüktsü tanü lemtetogo.
Pakistan Foreign Secretary, Aizaz Ahmad Chaudhry-i jaokba magizüki India Foreign Secretary, S Jaishankar-i Islamabad-i aotsübo melung saka Pakistan-i Jammu and Kashmir onük jembitsü madoker, kechiyong iba ya India’er shilem aser onük lir, ta ashi.
Iba telangzübaji Islamabad nung Indian High Commissioner, Gautam Bambawale-i Pakistan nem agütsüogo.
Hombarnü Pakistan-i, Kashmir onük benoktsüji linük anaprong atema International teinyaktsü ka lir ta shia Kashmir onük jembitsü atema India jaoka liasü.