India-i Prithvi-II Missile takok ngua tendangogo

Balasore, June 02 (Agencies): Hokolbarnü Odishia nung India-i linük nung yangluba nuclear-capable Prithvi-II missile takok ngua tendangogo.
Kilometer 350 tashi khadoktetba surface-to-surface missile ji tanep 9:50 ako meta Balasore anasa Integrated Test Range (ITR) Chandipur, launch complex-3 nungi tendang, ta ketdangsertem osang ka ajanga metetdaktsü.
Iba missile takok ngua tendangogo aser iba mission nükjidongtem atalokogo, ta ketdangsertemisa ashi.
Prithvi-II missile yagi warheads seret 500 nungi seret 1,000 tashi bentettsü, aser iba missile nung liquid propulsion gol ana keta lir. Iba missile-i inertial guidance system den manoeuvring trajectory amshia mezüng-mezünga akar.
Iba missile tenzükba maparen ya strategic force command (SFC)-i ketdangsüa inyak aser Defence Research and Development Organisation (DRDO) nungi scientist temi achaayanga tendangogo, ta DRDO scientist kati ashi.
“Missile khadokbaji Odisha tzüyimküm nung aliba DRDO radars, electro-optical tracking systems aser telemetry stations ajanga track süa liasü,” ta kasa osang ajanga ashi.
2016 küm November 21 nüa kasa base nungi Prithvi-II missiles ana takok ngua tendanga liasü.
2003 küm Indian armed forces nung inoksemba metre 9 talang Prithvi-II ya Integrated Guided Missile Development Programme kübok DRDO-i yangluba mezüngbuba missile lir.