India-i runs 32 agi Zimbabwe kokogo

Harare, July 12 (Agencies): Deobar nü Harare Sports Club nung India nunger cricket team nung züngsem ajaki kanga junga asayaba ajanga, India aser Zimbabwe na One-Day International (ODI) tanabuba asaya nung India-i akokba ajanga, tan series ODI ana nung India-i 2-0 agi Zimbabwe madak takok nguogo.
India nunger opener Murali Vijay-i ball 95 nung run 72 yanglu aser India team nung captain, Ajinkya Rahane-i ball 83 nung run 63 yanglu. India nungeri over 50 nung runs ajak agi 271/8 yanglu.
Iba sülen India nungeri kanga junga kanga junga bowl asüba ajanga Zimbabwe nunger kanga kara out süma. Parnoki over 49 nung runs 209 ang yangluteter ajak out süadok. Bowling asüba mapang Bhuvneshwar Kumar-i runs 33 ang agutsü aser wicket 4 agia pai tajungba aon.