India-i sen note nung taoba Tir Kalam noksa aginer

New Delhi, August 01 (Agencies): ‘Nüburtem Tir’ ta ajasang APJ Abdul Kalam nem akhüm tulu agüja remtsüba sülen anogo ana lir sülen sen note nung pa noksa adoka social media nung prokshidagi.
‘Missile man’ ta ajasang Dr Kalam noksa sen note balala nung adoker internet nung prokshidagi. Tang sen note balala ajak nung ‘Linük tebuti’ Mahatma Gandhi noksa lir.
Anogo ana tejaklen Tamil Nadu, Rameswaram nung prangpong injang kahtokba den Last Post atemba densema scientist mongin Kalam nem akhüm tulu agütsüba sülen “Bharat Mata Ki Jai” ta yimyim ayima local Jamnath ka den par kinüngertemi pa ali nung remtsüogo.
Taoba Hombar nü Kalam IIM Shillong kaketshirtem den tejembitak nung ajungbena asü, aser iba mapang nungi tenzüka Twitter aser Facebook amshir nisung merirjang aikati pa nem tenüngsang balala agüja arudagi.