India-i T20I nung wicket 7 agi Sri Lanka madak takok angu

Colombo, September 07 (Agencies): Tang India-i Sri Lanka den cricket asaya aruba tatembang buba Twenty20 ka aliba Colombo nung Bodhbarnü asayaba nung India nunger captain Virat Kohli-i kanga junga asayateta Sri Lanka madak wicket 7 agi akok.

Iba asaya nung Sri Lanka mezüng batting süa runs 170 yanglutet saka Kholi-i runs 82 aser Manish Pandey-i runs 51 (not out) yangluteta ball pezü aontsü yutsür takok angu.

          India aser Sri Lanka tsüngda Test asemben aser ODI ponguben asayaba nung Sri Lanka-i khen danga mokokteti liasü aser T20 ka asayaba nunga parnoki India mokoktet.

          India nunger mezüng batting asür ana over trok nung runs 42 dang yangluteter out asü saka Man of the Match sempet angusang Kohli aser Pandey nati kanga junga asayatet. Rohit Sharma ya asayar mongin, Lasith Malinga-i runs 9 nguteter lia out sütsü aser Lokesh Rahul ya Seekkuge Prasanna-i aonba ball zükdokdang Dasun Shanaka-i ajepzüka out sütsü.

          Saka Kohli-i ball 54 tashi züka amenba mapang four 7 aser six ka yanglutet aser Isuru Udana-i out sütsü. Iba mapang India-i akoktsü asoshi runs 10 dang nüngdaka liasü.

Pandey-i boundary ka züka iba asaya tembang aser T20 nung pa asoshi runs 50 mezüngbuba ya iba asaya nung yanglutet.

          Sri Lanka telok mezüng batting asüba mapang India nunger leg-spinner Yuzvendra Chahal-i wicket asem agiteta runs 170-7 yanglutet.

          Sri Lanka telok nungi Dilshan Munaweera-i ball 29 nung runs 53 ngutet aser Ashan Priyanjan-ia runs 40 (not out) yanglutet.

          Sri Lanka ya runs 99 nung wicket asem out sür liasü saka runs 113 ajungdang wicket 6 out asü.