India-i Track Asia Cup Cycling Meet 1 buba anogo nung medal 5 agizük

New Delhi, November 18 (Agencies): Tanü Bodbar nü nungi tenzüka asayaba Track Asia Cup Cycling Meet nung India’er cycle toktepa anishirtemi gold 1, silver 3 aser bronze 1 densema ajak agi medal 5 tashi agizüka kanga junga shilem agiba osang jangjaogo.
Tetsür junior 500m Race Distance tetoktepba nung India tsür Amritha Reghunathan-i 39.927 seconds nung alizüng tonga gold aser külem sensotsür, Anu Chutia-i 40.093 seconds nung alizüng tonga silver agizüka liasü.
Tetsür junior Team Sprint shilem nunga Anu-i Rajesh Nayana den külemi lungjemer alizüng 39.702 seconds nung tonga gold agizük.
Kasa shilem nung Uzbekistan teloki 41.852 seconds nung alizüng tonga silver agizüka liasü.
Arishi küm 20 tain Deborah-ia 35.776 seconds nung alizüng tonga tetsür 500m Race Distance shilem nung silver medal agizük.
Kasa shilem nung South Korea tsür Kim Wangyeong-i 35.179 seconds nung alizüng tonga gold agizüka liasü.
Deborah-i külem sensotsür Kezia Vargheese den külemi lungjemer 37.402 seconds nung alizüng tonga tetsür Team Sprint shilem nung silver agizüka liasü.
Kasa shilem nung South Korea teloki 35.835 seconds nung alizüng tonga gold agizük.
Emerson, Arkaprava Baul aser Ranjith Singh nunger densemba India telokia 51.067 seconds nung alizüng tonga tebur junior Team Sprint shilem indang bronze medal ka agizüka liasü.