India-i Zimbabwe madak ODI series kokogo

Harare, July 14 (Agencies): India tenüng nung tan mezüngsüa One-Day International (ODI) nung shilem agisang, Kedar Jadhav-i century yangluba densema India-i runs 83 agi Zimbabwe madak tasembuba ODI series asaya tanü Mongolbar nü kokogo.

Tan takok anguba ya densema India-i asaya asemprongla nung takok ngua points 3-0 agi Zimbabwe madak ODI series akoker lir.

Jadhav-i balls 87 nung runs 105 yangluba densema par India teloki overs 50 nung runs 276 yanglua overs 43 nung runs 193 yangluba Zimbabwe telok madak tanü takok angu.

Jadhav den külemi, tan mezüngsüa ODI nung shilem agir, Manish Pandey-ia balls 86 nung runs 71 yangluba yong tenati India temaba jenjang nung ajungketja India nem takok bener arutsü.

Chamu Chibhabha-i balls 109 nung runs 82 yanglua tanü kanga meranga asaya saka par Zimbabwe-i tanü tamok ngua liasü.

India’er bowler-tem, Harbhajan Singh, Mohit Sharma aser Axar Patel nungeria wicket anana agia tanü kanga junga shilem agi.

India aser Zimbabwe nati tan Hokolbar nü nungi tenzüka asaya 2 densemba Twenty20 (T20) series maneni asayatsü renema lir.