India indang secular amokmeren kübok lir: Manmohan Singh

New Delhi, November 14 (Agencies): India nung mezüngbuba Ato kilonser, Jawarharlal Nehru asoba anogomung 125 buba nüngtem nung ayongba sentong ka nung jembidang taoba Ato kilonser, Manmohan Singh-i pa menden melensang Narendra Modi aija, Modi-i pai jangrabatem dang arishir, ta aitsüba den külemi India nung tamangba yimsü ajak sadoka amangtetba aser benshitetba amokmeren tia nung lir, ta ashi.
Tanü New Delhi, Indira Gandhi Indoor Stadium nung lokti tulu ka den jembidang Manmohan-i, tang sorkar yimsüsüba kübok linük indang secular lendong nung lir, ta ashi.
‘Pa (Modi) kolenisa odir, pai pa jangrabatem arishir,” ta Singh-i Modi aija jembi.
Singh-isa, India ya tamangba lokti balala ajak litetba linük lir aser Bharatiya Janata Party-i aniba National Democratic Alliance sorkari ibaji raksatsütsü meranger, ta ashi.
Nüburtem tsüngda telemsa adokdaktsütsü meranger tashi aliba telok ana lir. Parnoki iba nungji takok ngura linük lenmang tulu ka nung yirutsütsü, ta taoba UPA sorkar mapang Ato kilonser Singh-i ashi.