India linük dang nungi Japan-i Maruti Suzuki alizüktsü: PM Modi

New Delhi, December 12 (Agencies): Honibar nü Ato kilonser Narendra Modi-i, tang mezüng India-i Japan dangi gari yoktsü, aser item gariji Maruti Suzuki-i yanglutsü, iba ya ‘Make in India’ mapatong dak sentakba lir, ta ashi.
Tanü New Delhi nung India-Japan Business Leaders Forum nung jembidang Modi-i, “Tang mezüng Japan-i India dang nungi gari agitsü aser ibaji Maruti Suzuki-i yangi (India) yanglutsü,” ta ashi.
“Maruti (Suzuki)-i yangi yanglutsü. Japan nunger company-i yangi yanglutsü aser Japan-i yoktsü,” ta pai ashi.
Iba senden nung jembidang Maruti Suzuki Chairman, R C Bhargava-i, tang atema company-i ‘Baleno’ gari yoktsü, ta metetdaktsü.
Tasüngdangba ka langzüdang Bhargava-i, “Taküm gari 20,000 nungi 30,000 tashi yoktettsü onoki imlar,” ta ashi.
Ajisüaka Bhargava-isa, Japan dangi gari yoktsü mapaji temela ka masü, ta ashi.
Japan nunger gari yanglur unit Maruti Suzuki-i sangküm January ita nungi tenzüka India linük nung yangluba gari Baleno Japan dangi yoktsü.