India madak takok ngua West Indies World T20 final-i iogo

Mumbai, March 31 (Agencies): West Indies teloki wicket 7 agi India telok madak semifinal asaya koka tang tasaydak tebur ICC World Twenty20 (T20) cricket asayamong final asayatsü jenjang tanü, Brehostibar nü nguogo.
India teloki tanü mezüng batting asü aser Virat Kohli, Rohit Sharma aser Ajinkya Rahane nungeri runs 89, 43 aser 40 yangluba densema, par teloki overs 20 nung wicket 2 laoa ajak agi runs 192 yanglu.
Tesülen, Lendl Simmons aser Johnson Charles nati runs 83 aser 52 yangluba densema, par teloki overs 19.4 nung wicket 3 laoa runs 196 yangluba yong par West Indies teloki takok nguadok.
West Indies teloki 1 buba semifinal nung wicket 7 agi New Zealand madak takok angur, England telok den taruba April ita 3 nü Kolkata nung final asayatsü.
Ano külen, West Indies tsürtemi runs 6 agi New Zealand tsürtem madak semifinal asaya koka tang tasayadak ICC Women’s World Twenty20 (T20) 2016 asayamong final asayatsü jenjang tanü ajangzükogo.
Captain Stafanie Taylor, Britney Cooper aser Sophie Devine nungeri runs 25, 61 aser 22 yangluba densema, par teloki overs 20 nung wicket 6 laoa ajak agi runs 143 yanglu.
Tesülen, Sara McGlashan, Amy Satterthwaite aser Staphanie Taylor nungeri runs 28, 24 aser 3 yangluba densema, par asayartemi kanga meranga asaya saka par teloki overs 20 nung wicket 8 laoa ajak agi runs 137 dang yanglutetba yong par N Zealand teloki tamakok ajurutsüsa aküm.
Tanü takok anguba sülen N Zealand tsürtemi taoba mapang champions akümtsü jenjang asemben tashi angur, Australia telok den final nung ajuruteptsü.