India-Myanmar arrtsü nung hon long 20 apu

Aizawl, July 12 (Agencies): Mizoram-Myanmar arrtsü len Zokhawthar tesem nung amenoka aliba Customs ketdangsertemi Melbuk yimtsüng nungi nisung ka ket nungi sen jenjang lakh 598 alang hon long 20 puogo, ta sangdongka ajanga ketdangsertemi metetdaktsü.
Item hon tem Myanmar nung shibelener adokya liasü aser shibelensang aser pai bena aliba hon tem yasüng apu, ta kasa sangdong ajanga metetdaktsü.
Kasa mapang nung police temi yasüng Myanmar arrtsülen Champhai district kübok Khanhawn yimtsüng nung local shishilembadak ka nungi sen jenjang lakh 15 alang ozüng alema benshiba temesepba mozü, heroin gram 420 puogo, ta police ketdangsertemi metetdaktsü. Temesepba mozü shibelenba dak sendakba nung arishi küm 29 tain asangur ka puogo, ta police-isa metetdaktsü.