India-Myanmar arrtsü nung menoknok anaben anok

Guwahati, August 23 (Agencies) : Mongulbarnep India aser Myanmar arrtsülen Richter scale nung 3.1 aser 5. 5 asadangtetba menoknok ana anokba mapang nüburtem tetsübu aser taoksa agi kimai alutsüsa aküm.
Menoknok ajanga ki raksatsüba mesüra tanga teraksa adokba osang tang tashi nungbo kecha mali, ta Assam police-i ashi.
Meteorological office ajanga ashiba agi, mezüng anokba menoknokji tanep 5:30 meta anok aser iba menoknok tiyongtsüji Karbi Anglong district nung latitude 25.6 degree north aser longitude 93.2 degree east den ali telunglen kilometre 10 shir irr anok.
Tanabubaji anepdang 7:41 ako meta anok aser iba menoknok tiyongji Indo-Myanmar tesem nung 23.8 north aser 94.5 degree east den ali telunglen kilometre 100 irr liasü, ta Regional Seismological Centre nung ketdangsertemi ashi.
Iba menoknok ya second ishika dang anok aser nisung yiruba mesüra tasüba osangbo kecha mali.