India-Myanmar arrtsü nung telungpur 3 kahset

Imphal, September 05 (Agencies): Tanü Manipur, Chandel district len aliba India-Myanmar arrtsülen 11 Assam Rifles aser 6 Dogra regiment na senteper telungpurtem den kahtepba mapang telungpur asem tepsetogo, ta police-i ashi.
Tanü anüngdang 11:00 ako meta nungi tenzüka sepaitem aser telungpurtem automatic prangpong amshia minute 90 shi kanga sashia raratep.
Iba rara nung telungpur asem tepset aser tanüngba telungpurtemji Myanmar-i jena ao, ta police-isa ashi.
Tasümangtemji Moreh police station ket nung agütsüogo aser telungpur adenba telokji tang tashi nungbo mejangja, ta parnokisa shisem.