India nung 2016 Datsun redi-Go sayaogo

New Delhi, June 07 (Agencies): Datsun India teloki sen lakh 2.38-3.34 jenjang aketba Datsun gari tasen, redi-Go India nung tanü, Mongulbar  nü sayaogo.
D, A, T, T(O) aser S densema, tapu 5 küma yangluba redi-Go gari ya India nung kanga sashia ayokba garitem – Maruti Suzuki Alto 800, Renault Kwid, Hyundai EON aser iba amala garitem den toktepa ayoktsü nükjidong nung yanglua lir.
2014 Auto Exp nung concept car ama sayaba redi-Go gari ya CMF-A sabang nung yangluba gari ka lir.
Lenten tasazük 3429mm, metong 1560mm aser 1541mm talang redi-GO gari nung wheelbase 2348 mm aser boot tasazük litre 222 aliba den külemi, iba gari ali nungi 185mm ajungketa pilar lir.
Datsun redi-Go gari tejaklen 2-DIN audio system, USB aser AUX connectivity den CD player, speaker 2, power steering aser front power windows inoksema lir.
Temaba redi-Go gari nung daytime running lamps aser gari anishir amendak airbag-a inoksema lir.
Iba gari tasenba ya 799cc iSAT (Intelligent Spark Automated Technology) three-cylinder petrol engine ajanga jajadaktsür aser iba gari-i 5678rpm nung tashi 53bhp agütsütetba den külemi, 4386rpm nung torque tashia 72Nm tashi agütsüteter.
5-speed manual gearbox mesenlokba gari tasenba nung Automated Manual Transmission (AMT)-a tarutsü mapang mesenloktsütsü sentong lir.