India nung 2016 küm Smartphone shishilembaba shilem 5.2 agi inlok: IDC

February 13, 2017 (Agencies): 2016 küm India nungi smartphone unit million 109.1 belenshia yokogo, aser iba ajanga senotsüren nung shilem 2.5 agi renlok, ta shishilembaba asadangba telok International Data Corporation (IDC)-i Hombarnü metetdaktsü. Smartphone teimba ayoker rongnung China mezüngbuba jenjang nung lir.
Küm shilem 4 küma lemsar aliba 4buba shilem nung smartphone million 25.8 ayok koba 2015 küm den kasa shi liasü, saka taoba küm shilemtem dang nungi shilem 20.3 agi tajemba liasü. Iba ya November ita demonetization sentong aser benjongbentsütem November aser December itatem nung tembanga aruba ajanga ajema aküm.
“Feature phone tem melena smartphone mamshiteter, kechiyong feature phone amshirtem atema smartphones jenjang ano kanga tasak lir,” ta Senior Market Analyst, Client Devices, IDC Karthik J-i ashi.
2016 küm shilem 4buba nung China nung amener aliba Smartprone shishilembartemi shilem 46 agi, aser China nungi adokba smartphone company temi shilem 19 agi.
2016 küm shilem 4buba nung 13.1 ajemaka Samsung-i maneni shilem 25.1 ajangteta smartphone shishilembaba nung parnok temaba jenjang nung lir. Xiaomi shilem 10.7 ajangteta tanabuba jenjang tongoko, aser Lenovo (Motorola dena) shilem 14.5 agia tasembuba nung lir.
OPPO-i shilem 8.6 agia temaba 5 jenjang tongtetogo.