India nung Aenjeti (January) ita nung gari aika yokzükogo

New Delhi, Tsüklai 02, 2018: Taküm mezüngbuba ita, Aenjeti nung India nung gari aika yokzükogo, aser gari timba yokzükba temaba jenjang nung Maruti, Hyundai aser Mahindra indang garitem lir.
Ano gari company kar atemabo iba ita nung gari ajema ayok, ajisüaka company ajunga yokzükba asadangra, yaküm Luchii (December) ita dang nungibo Aenjeti (January) ita nung gari timba yokogo.
2018 küm Aenjeti ita nung gari yangluba company, Maruti Suzuki India (MSI) indang gari unit 151,351 ayok, aser ibaji shilem 4.8 agi timba akumba liasü. Iba nungji linük market nung unit 140,600 aser bendanglen ayokba unit 10,751 densema lir.
Yaküm Aenjeti ita nung Maruti indang gari unit 144,396 yokzüka liasü.
Tanabuba jenjang nung taküm Aenjeti ita nung Hyundai Motor India Ltd (HMIL) indang gari linük nung unit 45,508 ayok, aser ibaji shilem 8.3 agi timba yoktetba liasü.
Hyundai gari bendanglen ayokba densemabo company indang gari unit ajak agi 56,216 yoktetogo.
Ano kasa ita nung Mahindra & Mahindra (M&M) indang gari-a unit 52,048 ayok. Yaküm Aenjeti ita nung parnok indang gari 39,386 yokteta liasü. Iba denji medemdangra taküm Aenjeti ita nung shilem 32 agi timba yokzük.
Passenger vehicles segment (SUVs, cars & vans) nung Mahindra-i Aenjeti ita nung unit 23,686 ayok. Yaküm Aenjeti ita nung parnoki unit 20,169 yokteta liasü, aser ibaji shilem 17 agi timba yoktetba asütsü.