India nung Apple iPhone X October 27 nungi müka yutettsü

October 25, 2017 (Agencies): Apple indang bezel maliba smartphone mezüngbuba, iPhone X ya linük 55 nung Hokulbar anogo nungi tenzüka jelia müka yutettsü. Amazon aser Flipkart amala online shishilembadak iba phone müka ayutsü atema iba page live kümogo.
64GB aliba iPhone X ya India nung sen 89,000 agi angutsü. Kasa phone dang süaka 256GB aliba iPhone X ya sen 1,02,000 agi apple Store tem nung November 3 nungi tenzüka angutsü.
Item linük 55 rongnung New Zealand, Poland, Russia, Saudi Arabia, Singapore, Spain, Switzerland, Taiwan, UAE, the UK, Australia, Austria, Belgium, Canada, China, Denmark, Finland, France, Germany, Hong Kong, India, Italy, Japan aser Netherlands densema lir.
Apple CEO Tim Cook-i, iba company küm ter ajungba benjungmung nung iPhone X ya saya, aser Apple ajanga yangluba iPhone rongnung iba ya tajungtiba lir, ta ashi.
Apple indang iPhone 8 aser 8 Plus ya sayar mapang talangka melei, special edition iPhone X ya saya, aser iba smartphone tasenba ajanga nüburtem kanga mela pua.
iPhone X nung Apple indang A11 Bionic chip tasenba den neural engine keta lir. Iba smartphone nung six-core CPU den performance core ana lir aser aji shilem 25 agi tekeraba, efficiency core pezü aser ibaji iPhone 7 aser 7 Plus nung aliba A10 Fusion dang shilem 70 agi tekeraba lir.
A11 Bionic nung Apple-i design asüba GPU den three-core keta lir aser iba ajanga graphics performance nung taoba generation dang shilem 30 agi tekeraba mapa inyaker, ta Apple ajanga ashir. Chipset nung augmented reality amshiteter. Iba Apple iPhone X nung Apple indang iOS 11 tasenba lir.
iPhone X indang camera ya 12-megapixel wide angle lens den aperture f/1.8 aser telephoto lens atema f/2.4 keta lir aser tejaklen camera ya 7-megapixel alitsü. Sensor anaprong nung Optical Image Stabilisation (OIS) amshitsü akoker. iPhone X indang battery tashi ya 2716mAh alitsü.