India nung Apple Watch Nike+ Oct. 28 nü nungi angutsü

New Delhi, October 17 (Agencies) : Asemteptsü jangrartem asoshi Apple Watch Nike+ smartwatch India nung October 28, 2016 nü nungi talitsü angutsü.
Iba smartwatch ya tapu ana nung Nike.com, Nike retail stores aser Apple resellers & stores tem nung talitsü angutsü. 38 mm baji sen 32,900 aser 42mm ji sen 34,900 agi ayoktsü, ta company sangdong ka ajanga metetdaktsü.
Apple Watch Nike+ nunga tanga Apple anütettsütem nung ama GPS, display anasü agi tesangwaba, meter 50 tashi nung tzü maiter, dual-core processor aser watchOS 3 keta lir.
Apple Watch Nike+ nungsa Siri command tem aser iconic Nike watch face tem den tang tasenba Nike+ Run Club app keta lir. Run Club app ajanga pei sasa asemtsü jangradaktsür, asemtsü atema tesayuba nai aginüba mapang nung agütsüba den alima nung coach aser asemteper tajungtibatem dang nungi angazüktettsü.