India nung blackboard melena digital board amshitsü: HRD Minister

New Delhi, Metsüremi (March) 10 (Agencies): Sorkari taruba küm pungu tsüngda digital board agi blackboard melentsü ta Human Resources and Development Minister Prakash Javadekar-i ashi.
“Shisaluyimba nung asenoki sen endoktsüla. Ni sorkar dang shisaliok reju tajungtem pei sasa ketdangsüa aotsü lenmang lapokjang ta shiogo” ta Union Minister-isa ashi.
Taküm Tsüklai (February) ita Finance Minister Arun Jaitley-i Union Budget 2018-19 metetdaktsüdang, shisaliok nung digital maparen benoktsü aser ‘black board’ melena ‘digital board’ amshitsü ta shia liasü.
Taküm Aenjeti (January) nung Javadekar-i taruba küm pungu nungi tenet tsüngda linük nung classroom shia nung digital board alitsü ta telemtetba agiba ka metetdaktsü.
“Operation black board ajanga classroom shia nung black board enok, tanü onoki operation digital board atema telemtetba agiogo aser ibaji ajanga taruba küm 5 nungi 7 tsüngda class room shia nung digital board ka ka alitsü” ta pai ashi.
Küptoknü (Honibar) 65 buba Central Advisory Board of Education senden tenzükdang pai iba osang metetdaktsü.
Iba senden nung Union Minister tem- Maneka Gandhi, Thawar Chand Gehlot, Mukhtar Abbas Naqvi aser Rajyavardhan Singh Rathore nunger aden.