India nung Congress malitsüji pungmang: Arunachal MP

Itanagar, December 22 (Agencies): BJP-i ‘Congress Mukt Bharat’ indang pungmangji kodanga mataloktsü, ta Arunachal Pradesh nungi Lok Sabha MP, Ninong Ering-i tanü shia liasü.
Congress MP-i Arunachal Youth Congress (AYC) den jempidang, lanur ajaki bendanga agütsür kati ka akümtsübua inyakba ajanga Congress-i India nung tanaben yimsü asütsü, ta ajungshia liasü.
India nung Congress malitsüji pungmangba asangsang akümtsü tamakoktsü.
Congress party ya linük nung party tambusang aser tulutiba lir, aser iba party ajanga India nunger nüchiso anguba mapang nungi kanga aroka tenzüker, ta pai ashiba osang ka party nung inyakertemi metetdaktsü.
“Sentong junga meyanglui demonetization tenzükba ajanga Modi sorkar ji nisung ka kijai lemtetba asüba aser ‘anti-national’,” ta demonetization intang jempidang MP-i ashi.
“Iba ajanga aluyimer, tajemzük tia nung alirtem, shishilempartem tang rokonger. Nisung aika taküm samaogo,” ta Ering-i demonetization sentong aija ashi.
State kar nung taruba küm assembly election aliba mechi political decision agiba dang lir, ta paisa ashi.
Rajasthan nung Jaipur yimti nung ki asem atongtepa tur aliba nungi Haa Tama tsükdakja asüba ken-o tekaraba nung agitsü asoshi aser APYC office reprangshimtsü asoshi takhangba shidi ana APYC tatong tir Jikke Tako-i MP nem agütsü. Ering-i item mapa tekaratiba nung reprangtsü nangzüka liasü.