India nung dalangtiba smartphone Rs 251 yong sayaogo

New Delhi, February 17 (Agencies): Tanü February 17, 2016 nü Ringing Bells-i India nung smartphone jenjang dalangtiba, Freedom 251 Rs 251 yong sayaogo.

Jenjang kangasa dalang smartphone sayaba ajanga linük nung tanga company tem handset shishilembabaren jenjang raksatsütsü akok.

Alima nung jenjang dalangtiba smartphone, Freedom 251 nung 4-inch WVGA resolution display lir aser 1.3 Ghz quad-core processor, 1GB RAM, total storage space 8GB aser tesülen 3.2 megapixel camera lir. Ano tejaklen-a 0.3 megapixel camera aliba den 1450 mAh battery lir.

Freedom 251 alitsü atema Brihostibar, February 18 anepdang 6:00 ako nungi mekazüka yutettsü (booking) aser ibaji February 21 aonung 8:00 ako nung tembangtsü.

Iba phone ya SIM card ana amshitetba 3G phone lir.

“Iba phone sayaba ya Ato kilonser Narendra Modi nükjidong, ‘India nunger ajak nem tashi agütsütsü aser India ainba otsü melenshitsü’ dak sentaktepa lir,” ta Noida nung aliba company, Ringing Bells-i metetdaktsü.

Tawa Ringing Bells-isa India nung kanga dalang 4G smartphone Rs 2,999 yong sayaa liasü.