India nung Dunkirk movie ajanga sen crore 15 aazüka lir

Mumbai, July 26 (Agencies): Raraba film, Dunkirk ajanga India nung sen crore 15.57 aazüka lir. Iba movie ya July 21, 2017 nung saya aser India nung screen 417 nung sayudagi.
Warner Bros Pictures (India) nung Managing Director, Denzil Dias-i ashiba agi, Christopher Nolan-i direct asüba Dunkirk film ya Non-Dubbed MPA (Motion Picture Association) film sayaba rongnung tulutiba lir aser screen 10 nung sayua IMAX nung sayuba rongnung MPA film tulutiba lir.
Iba film ya Nolan-i zülu aser Operation Dynamo indang otsü bener arua ali, tzü aser anüng nung sayur, ta osang ajanga ashi.
Dunkirk film ya tensa asem amshia yanglu – mezüngbuba shilem ya ali nungi tenzüker aser hopta ka yangji süyidaktsür, tanabuba shilem ya tzüyim nung alir aser anogo ka süyiba sayur aser tasembuba nung anüng nung ghonda ka aliba otsü sayur. Aser item tensa ya meyokteba yanglua lir.
“Christopher Nolan-i alakteta yimya balaka nung iba film yangluogo. Critics aser tereprangre temia Dunkirk ya screen tuluba nung sayutsüla, ta ashir aser India nung tesem ajunga nungi nüburtemi iba ama telangzüba tajung agütsüba ajanga box office nung maneni takok angutsü yongya atar,” ta Dias-i ashi.
Iba film nung Fionn Whitehead, Tom Glynn-Carney, Jack Lowden, Harry Styles, Aneurin Barnard, James D’Arcy aser Barry Keoghan den Kenneth Branagh, Cillian Murphy, Mark Rylance aser Tom Hardy nungertemi shilem agir.
Dunkirk film ya France, Holland, Britain aser Los Angeles nung tangokba lir.