India nung gari company tem jenjang ano tajungba akumer

Chiteni/July 04, 2018: Anogoshia India nung totzü jenjang melenshiaka taküm Aami/June ita nunga gari industry jenjang junga gari aika yoktetogo.
India nung gari yangluba company tulutiba, Maruti Suzuki indang gari Aami ita nung unit 1,44,981 tashi yoktet aser yaküm Aami ita den medemdangra ibaji shilem 36.3 agi timba yoktetba liasü.
Aami nung linük nung Maruti gari unit 1,35,662 ayok (shilem 24.5 agi timba) aser bendanglen units 9319 ayok, aser ibaji shilem 29 agi tajemba ayokba liasü.
Yaküm kasa ita nung India nung Mahindra gari ayokba den medemdangsra taküm kasa ita nung shilem 25 agi timba ayok. Mahindra gari ajak agi unit 45,155 ayok; India nung unit 41,689 aser bendanglen unit 3466 yoka liasü. Yaküm den medemdangra bendanglen ayokba shilem 87 agi timba aküm.
Ano yaküm Aami ita Toyota gari ayokba den medemdangra taküm Aami ita shilem 288.6 agi timba yokogo. Yaküm Aami ita Toyota gari unit 3628 ayok aser taküm Aami ita nungbo unit 14,102 yokteta liasü.
Yaküm Aami ita nung Tata Motors gari ayokba den medemdangra taküm Aami ita nung shilem 54 agi timba ayok. Taküm Aami ita nung Toyota gari unit 26,773 yokteta liasü.
Hyundai garia yaküm Aami ita den medemdangra taküm Aami ita nung shilem 19.5 agi timba yokogo. Taoba ita Hyundai gari unit 60,779 yoktea liasü. India nung unit 45,371 aser bendanglen unit 15, 408 ayok, aser ibaji shilem 15.9 agi timba liasü.
Hyundai-i June 2018 tashi nung gari million 8 yokteta India putiotsü nung otsü tasen ka yanglutetogo. Tawa Hyundai-i Creta facelift den Hyundai i20 aser i20 Active facelift garitem adokba ajanga parnok jenjang kanga ajungketogo.