India nung ‘Gods of Egypt’ film February 26 nü sayatsü

Gods-of-EgyptMumbai, February 9, 2016 : Viacom18 Motion Pictures ajanga India nung “Gods of Egypt” film February 26 nü sayatsü.
Lionsgate meyong Summit Entertainment indang project ya Viacom18 Motion Pictures-i benzük aser parnoki India box office nung nükjidong tasen yur “Mission Impossible” aser “Terminator & Transformers – Age of Extinction” film amala sayar.
“Onok Lionsgate den lokteper ‘Gods of Egypt’ film atema inyakba asoshi kanga pelar. Onoki English film tem India box office nung tali relokdaktsütsü imla-a inyaker. Film sapurtemi iba Hollywood film kanga meimtsü,” ta Viacom18 Motion Pictures nung chief operating officer Ajit Andhare-i sangdong ka ajanga metetdaktsü.
Iba fantasy film nung tesüiba mapang Egypt chuba yimli libaliro sayur aser Gerard Butler-i ‘Egyptian God of Darkness’ shilem agia lir. Iba den külemi Brendon Thwaites-i Bek ama shilem agia lir.
“Gods of Egypt” film ya Alex Proyas-i direct asü aser India nung English, Hindi, Tamil aser Telugu oshitem nung February 26 nü sayatsü.

You must be logged in to post a comment Login