India nung Hindu fundamendalist tem lendong kümogo: Taslima

New Delhi, April 24 (Agencies): India nung Hindu fundamentalist tem kanga lendong kümogo aser India nung tamangba yimsüji linük nungi bendangtsüla, ta Bangladesh tsür kaketzülur nüngtugu, Taslima Nasrin-i ashi.
Estonia linük yimtiba Tallinn nung senden ka nungi twitter ajanga kaketzülur Taslima-i, India linüki nisung ajak atema ozüng ka nüngdaka lir, ta ashi.
Tetsürtemi ajangshiba tebilemtsü onüktem metetdakja lai, “Tetsürtem atema lendong kanga aketba linüktem rongnung India densema kümogo,” ta ashi.
“India nung tetsürtem temeten atema mapatong tenzükdar, ajisüaka teinyaktsü mapa aika lir,” ta lai ashi.
Tetsürtem atema kasa temeten ya anüdoklen linüktem indang masü ta shia lai, “Kodang ni tetsürtem temetentem atema pusemdir tetsür aikati ni anemer. Tsüngremi dang tajungtiba lemteter ta parnoki bilemer,” ta metetdaktsü.