New Delhi, November 26 (Agencies): India market nung Hyundai gari million pezü yokogo, ta gari yanglur company, Hyundai Motor India-i Brihostibarnü metetdaktsüogo.
“Hyundai-i Eon gari nungi tenzüker Santa Fe gari tashi meyokteper tang tashi nung gari ter yangluteta lir,” ta Hyundai Motor India nung managing director, Y.K. Koo-i ashi.
“Hyundai-i ‘India nung yanglutetba’ (Make in India) omen nung ajemdaker alima rangben asoshi gari yanglur,” ta pai shisem.
Hyundai ya tang India nung gari tajung yanglur rongnung tuluba lir. Iba den külemi India nungi tanga linük nung passenger gari ayoker rongnung tulutiba.
India nung Hyundai company küm 19 tejakdak lapokba mapang mezüngsüa Hyundai Santro gari saya liasü.
India nung Hyundai gari million pezü yokogo added by asungba on
View all posts by asungba →
You must be logged in to post a comment Login