India nung kümshia küm 5 tekübok tanur million 1 ka asür

New Delhi, April 26 (Agencies): India nung kümshia küm 5 tekübok tanur million 1 ka dak tema asür aser asürtem shilem 57 bo sor anogo 28 tsüngda asür, ta tanü sorkari metetdaktsü.

“Sample Registration System (SRS) 2013 ajanga ashiba agi, kümshia India nung arishi küm 5 ser tekübok tanur million 1.26 asür.”

“Asürtem rongnung shilem 57 bo sor mezüng ita nung, anogo 28 tsüngda asürtem lir, aser ibaji prematurity aser tasodang temang touzük tali ajema aliba, neonatal infections, asphyxia aser birth trauma kulitem ajanga lir,” ta Union Health Minister, J P Nadda-i tanü Rajya Sabha senden nung metetdaktsü.

Pai ashiba agi, tanur sor ita ka nungi arishi küm 5 tekübok tsüngda asürtemji timbaka pneumonia aser diarrhea ajanga lir.

Ano tanga tasüngdangba ka langzüdang pai, Registrar General of India, SRS 2013 osang nung ajemdaker tanur 1000 asoba nungi Infant Mortality Rate (IMR) shilem 40 aser tanur 1000 asoba nungi Neonatal Mortality Rate (NMR) shilem 28 lir, ta metetdaktsü.