India nung Lexus ES Hybrid, RX Luxury aser RX F-Sport agritem sayaogo

March 24, 2017 (Agencies): Toyota Motors nungi razüka aoba Lexus Motors ajanga India nung gari model asem sayaogo.
Lexus ES Hybrid ya sen lakh 55.27 agi angutsü aser RX ya model ana nung angutsü; sen crore 1.07 jenjang RX Luxury aser sen crore 1.09 jenjang RX F-Sport alitsü (Ex-Showroom, Delhi).
Lexus Motors ajanga ibai India nung mezüngbuba gari bener arur alitsü.
ES Hybrid Luxury Sedan ya 2.5L VVT-i engine aser ‘electric drive motor’ keta lir. Tejaklen tetsüng nung ECVT-i Transmission, EPS, ABS aser Brake Assist keta lir. Iba gari tuozük lb 3,682 aser totzü litre 65.1 inokteter.
Lexus RX nung 3.5 litre V6, VVT-i engine aser SULEV-2 emission rating lir. Iba gari ajanga horsepower 308 tashi agütsüteter. Iba gari touzük lb 4,740 aser totzü litre 65.1 inoktsü asemer. Iba gari nung ECTV Transmission, EPS Steering System, ECB, ABS aser brake atema EBD lir.
Item gari ya New Delhi, Gurgaon, Mumbai aser Bengaluru nung angutsü. Item gari ya Chandigarh, Hyderabad, Chennai aser Kochi nung yanglutsü akoktsü.
Item gari sayaba mapang Lexus LX 450d gari densema sayu aser iba gari ya India nung 2018 küm sayatsü sentong lir.