India nung meshimetsür lakh 4 dak tema lir: Sorkar

New Delhi, August 13 (Agencies): Tang India nung meshimetsür 4,13,670 lir, aser item rongnung timtibaji West Bengal nung meshimetsür 81,000 dak tema lir aser ishitibaji Lakshadweep nung meshimetsür ana lir, ta tanü sorkari Rajya Sabha senden nung metetdaktsü.

Linük nung sensaker 4,13,670 lir – tebur lakh 2.2 aser tetsür lakh 1.91 lir, ta Brihostibar nü Minister of state for social justice Vijay Sampla-i Rajya Sabha nung metetdaktsü.

West Bengal nung meshimetsür 81,244, tanabuba jenjang nung Uttar Pradesh nung meshimetsür 65,835, iba sülen Andhra Pradesh nung 30,218, Bihar nung 29,723 aser Madhya Pradesh nung meshimetsür 28 lir.

Ano Assam, Manipur aser West Bengal state tem nung meshimetsürtem tebur dang nungibo tetsür timba lir.

Ajisüaka Union Territory tem nungbo meshimetsürtem kanga ajema lir. Sorkar record ajanga ashiba agi, Lakshadweep nungbo meshimetsür ana dang lir.

Northeast state tem rongnung meshimetsürtem timba aliba state ji, Assam nung 22,116 lir aser tajemtibaji Mizoram nung 53 lir.

State aser Union Territory 22 shi ibo meshimetsüba anema ozüng benokogo, ta paisa ashi.