India nung mezüngbuba asetkong district

Assam sorkar-i Brahmaputra ayong nung aliba asetkong Majuli nem district ka ama temelaba June 27, 2016 nü agütsüogo. Iba asetkong tasazükji 400 square kilometers lir aser India nungbo iba district ya mezüngbuba asetkong district akümer asütsü. Assam Chief Minister, Sarbananda Sonowal-i anir par tazüngpur senden nung Majuli district akümtsü lemteta temelaba agütsütsü.
Majuli ya Jorhat district kübok Sub-division ka dang liasü saka tang district akümba sülen Assam state kübok joko district 34 kümogo.