India nung million aika atema ni otongdar: Anupam Kher

December 01, 2015: Bollywood nung film actor tejen, Anupam Kher ya nüburtem asoshi social media ajanga tebilembatem lemsateper ka lir aser pai, India sa tajungtiba ta bilemertem atema ni ya otongdar ka amai lir, ta ashi.

“Ni India nunger million aika atema otongdar ka amai lir,” ta twitter ajanga tembartem den sensak asemba mapang Anupam Kher-i ashi.

Arishi küm 60 tain, Anupam dang pa kinungtsü Kirron Kher ama tarutsü nung na-a yimtenren nung shilem agitsü magitsü ta asüngdangang pai, “Kodanga magitsü. Ni actor, tesayur aser tangar ajungtsü asoshi jembishinüba mapatem agi temulung süa pela alir, ta ‘The Shaukeens’ film nung shilem agisangi twitter nung langzü.

“Prem Ratan Dhan Payo” film nung pa Salman Khan den külemi shilem agia lir aser ano memunui Neeraj Pandey-i direct asüba “M.S. Dhoni: The Untold Story” film nung angutsü.

“M.S. Dhoni: The Untold Story” film nung actor Sushant Singh Rajput-i M.S. Dhoni ama shilem agitsü aser iba film ya sangküm sayatsü sentong lir.