India nung Mobile Phone nüngtugutiba

New Delhi, January 4 (Agencieds) : India nung Mobile phone tem rongnung Apple iPhone nüngtugutiba ta shimogo, aser tanabuba aser tasembuba nung Samsung aser India nunger indang Phone Micromax lir.
Trok, tenet aser tibuba nung Chinese mobile tem- Lenovo, Huawei aser Motorola koba Lenovo-i alizüka ali parnok aiter.
LG (South Korea) aser Intex Technologies (India) tatembangbuba jenjang nung lir. India nung Phone tajungtiba asadangba telok BlueBytes aser TRA ajanga ashiba agi Apple phone-ji media nung sayaba rongnung tematiba jenjang nung lir.
“Mobile phone company ama kanga dang bulua aser sashia ainba industry, koba nung ajaki talir tem atsüa arutsü meranger, iba amala tensa nung nisungtemi tuyuba aser koda nüngtugu ibala tongtibang yimyatem apir parnok phone alitsüba molungteter, aser iba ajanga phone sayatsüji kanga tongtibang,” ta Apple phone Chief Spokesperson, Pooja Kaura-i ashi.
Chinese phone Xiaomi aser Finland indang Nokia phone temi pezübuba aser pongububa jenjang tongtet.