India nung MSI-i gaming laptop tem sayaogo

Tsüklai/February 02 (Agencies): NVIDIA GeForce RTX GPU inoka yangluba gaming laptop tasemtem MSI-i India nung sayaogo. Item laptop den külemi brand-isa GS65 Stealth laptop tasenba sayaa liasü. Tawa CES 2019 sentong nung sangdongba laptop tem ya New Delhi, Bangalore, Kolkata aser Pune yimti kübok MSI indang stores ajunga nung angutsü. Iba denji külemi product ya tongtibang e-commerce website – Flipkart aser Amazon ajanga angutsü.
Gaming Series jenjang sen 79,990 nungi tenzüka sen 399,990 tsüngda tashi nung angutsü kasa mapang Prestige Series jenjang sen 77,990 nungi tenzüka sen 159,990 agi angutsü.
Laptop nung NVIDIA GeForce RTX graphics keta aliba ajanga real-time ray tracing aser AI-enhanced gaming experience agütsür. Iba graphics nungittsü atema, MSI-i laptop nung Cooler Boost design inoksema yanglutsüogo koba ajanga system kara mekongdaktsür.
Item gaming laptop rongnung GT, GS, GE aser GL Series densema lir.
GT Titian, iba ya MSI indang flagship gaming laptop lir. Gamer nem maonkga timba agütsütsü atema RTX GPU ajanga yaritsü aser aji i9 CPU tashi overclockable asütsü. Iba laptop ya tashiaitba dang masü saka kanga agi takaraba lir ta company-i ashi.
Mepetmesü meli ayonga asayatsü atema ‘Cooler Boost Titan’ ajanga tuluka yaritsü. Laptop nung 4K UHD display keta aliba ajanga gamer tali dang jangradaktsütsü.
GS Series ya tanga gaming laptop ama tasazük tulu aser taret masü. Device tuozükji seret 2 dang nungi tajemba kong GPU aser CPU tasen inoka yanglutsüogo. Iba den külemi GS nung on-the-go gaming feature alitsü.
Intel Core i7 Processors ajanaga tashi agütsüba GE75 Raider ya NVIDIA GeForce RTX 2080 GPU aketba mezüng 17-inch laptop ka asütsü. Iba den bendenloksema, GE75 nung MSI Cooler Boost 5 technology den fan ana aser copper heat pipe 7 den SteelSeries indang per-key RGB gaming keyboard keta aliba angutsü.
Tang GL series nung GeForce RTX graphics inoka yanglutsüogo koba taoba dang nungi tashitaiba aser takaraba asütsü. Gameplay tejangjaba atema, iba 17.3-inch model nung 120Hz display keta aiba angutsü.