India nung New Year mapang WhatsApp ajanga message Billion 14 yoka liasü

January 07, 2017 (Agencies): Taküm New Year mapang WhatsApp ajanga India nung message billion 14 yoka liasü aser item rongnung shilem 32 bo noksatem, GIF noksatem, video aser voice message liasü, ta WhatsApp kibur Facebook ajanga Hokolbarnü metetdakja liasü.
Iba sabang ajanga message lemsatepba ya taoba Diwali nung anogo ka nung message billion 8 lemsatepba dang timba lir, ta WhatsApp ajanga ashi.
Noksa billion 3.1, GIF noksa million 700, aser video million 610 WhatsApp ajanga New Year mapang prokshia liasü. India linük nung ita shia WhatsApp amshir million 160 lir.
Tawa WhatsApp ajanga ‘animated GIF’ noksatem lemsateptettsüsa sabang yanglushia liasü. Iba GIF noksatem ya iPhone nung November ita nungi amshitet aser Android phone amshirtemi December ita nungi amshitet. Android ajanga maneni WhatsApp nung video download masüdang video reprangtettsü sentong tenzüka lir.
iPhone nung WhatsApp Beta amshirtemi message yoker aliba tanaben meyiba zülushitettsüsa ‘feature’ tasen ka taoba ita nungi angur. Message yokba Apps tem aika nung iba küsa features keta angur. Aser iba nung file tem lemsar aliba tanaben reprangshitettsü akoker.
Android, iOS aser Windows Phone tejentem nung Fecember 31 nungi WhatsApp mamshiteti kümogo. Android 2.2 aser teküboklen, iOS 6 aser teküboklen, aser Windows 7 Phone tem nung joko WhatsApp mamshiteter.