India nung nisung 1800 atema lawyer ka dang atar: CJI Gogoi

New Delhi, Mongputeni/October 06 (Agencies): Tang tasen shimba Chief Justice of India (CJI), Ranjan Gogoi-i legal teyari agutsüba dak sendakba nung lawyer jenjang ajungkettsü atema jembiogo.
Bar Council of India-i tenüngsang agutsüba sentong nung jembidang Gogoi-i, “India nung tepoukdak alir shilem 67 bo ken o tejembidak lir aser parnok rongnungi shilem 47 bo arishi küm 18-30 tsüngdapurtem lir, iba tetezü lanur aika ken o tejembidak mapang lir. Anungji legal teyari agutsüba lawyers jenjang ajungkettsüla,” ta ashi.
“India nung lawyer nütsüngji kwi? Lawyers lakh 13-14 shi lir, ibaji aika masü. US nungbo nisung 200 shia atema lawyer ka lir, ajisüaka India nungbo nisung 1800 shi atema lawyer ka dang lir. Lawyer aser nütsüng medemdangba ratio aintsüla (lawyer aika nüngdak),” ta CJI, Ranjan Gogoi-i ashi.
Paisa lawyer tem atema facilities ajungkettsütsüla aser lawyer o nütsüng ratio timba akumtsüla, ta ashi.
Gogoi ya tan ita 3 nü 46buba Chief Justice of India inyaktsü atema tenangzükba agia liasü. Rashtrapati Bhavan nung India Tir, Ram Nath Kovind-i ketdangsüa pa nem tenangzükba agidakja liasü.