India nung Nokia 3, 5, aser 6 Android smartphone June 13 nung sayatsü

New Delhi, June 02 (Agencies): Talangka nungi yongya aliba Nokia indang Android smartphone – Nokia 3, Nokia 5 aser Nokia 6 ya India nung June 13 nung sayatsü osang sangdongogo.
Nokia 3, 5 aser 6 den külemi Nokia 3310 yanglushir 2017, February ita Barcelona nung Mobile World Congress 2017 (MWC) nung saya liasü.
Nokia 3310 ya India nung May 18 nung saya saka Nokia indang Android smartphone India-i arutsü osang kicha meliasü.
Nokia 3 ya sen 10,000 tekübok agi angutsü imlar. Nokia 5 ya sen 15,000 tekübok aser Nokia 6 ya sen 18,000 dang tekübokba nung angutsü imlar.
HMD Global company ajanga alima nung Nokia indang phone yanglua ayoktsü aser ajungkettsü temeden lir aser China nunger indang phone timba aliba shishilembadak tokteptsü asoshi nüburtem nem saklokdaktsütsüsa jenjang talangba agi Nokia Android smartphone ya ayoktsü imlar.
Nokia 6 smartphone indang display ya 5.5-inch Full HD 2.5D Gorilla Glass lir. Iba phone indang operating system ya Android Nougat, Qualcomm Snapdragon 430 SoC lir. Nokia 6 indang battery tashi ya 3,000mAh, RAM 4GB aser internal storage ya 64GB alitsü.
Nokia 6 indang tesülen camera ya 16-megapixle aser f/2.0 aperture, tejaklen aliba camera ya 8-megapixel den f/2.0 aperture aser audio ya Dolby Atoms alitsü.
Nokia 5 smartphone indang display ya 5.2-inch (720 x 1280) lir aser operating system ya Android Nougat alitsü. Iba phone nung Qualcomm Snapdragon 430 SoC lir. Maneni iba smartphone indang RAM ya 2GB aser internal storage ya 16GB alitsü. Nokia 5 indang tesülen camera ya 13-megapixel aser tejaklen camera ya 8-megapixel lir aser phone indang battery tashi ya 3,000mAh asütsü.
Nokia 3 indang processor ya MediaTek aser tesülen camera ya 8-megapixle lir. Iba phone indang display ya 5-inch aser battery tashi ya 2,650mAh keta lir. Nokia 3 nung tanüngba osettem ya Nokia 5 handset nung ama keta lir.