India nung October 7 nü ‘Queen of Katwe’ film sayatsü

Mumbai, August 23 (Agencies) : Katwe, Uganda nung tangar memeneper Madia Nalwanga indang otsü nung ajemdaker yangluba film India nung October 7, 2016 nü sayatsü.
Iba film nung Lupita Nyong’o aser David Oyelowo nati tongti shilem agir aser taküm September ita Toronto International Film Festival nung sayatsü.
Indo-American film yanglur Mira Nair-i iba film ya yanglu aser film tenüngji ‘Queen of Katwe’ lir.
Katwe, Uganda nung Madia Nalwanga ta ser tanur tetsür ka chess asayatsü tenzükba sülen la taküm melenshir.
Lar kinunger aser loktii teyari agüja nungitba ajanga Madia-i international chess champion ka akümer aser la indang taküm otsü nung ajemdaker Mira Nair-i ‘Queen of Katwe’ yanglu.
Mira-i tatemsabuba film direct asübaji Mohsin Hamid indang kaket ‘The Reluctant Fundamentalist’ otsü nungi agiteta yangluba film liasü.